जगणे

उद्देशा साठी जगून मरणं
तर क्षणभर जीवन सार्थ आहे
अहेतुक ऊगाच जगणं मग
शतायुष्य सुध्दा व्यर्थ आहे

स्वतःसाठी पशु ही जगतात
हा त्यांचा स्वभाव धर्म
दुसऱ्‍या साठी जगणे शिका
तर मानव जन्मास अर्थ आहे

जनावराच्या चामड्याला
भाव आहे बाजारात
कवळी मोल हे विकेल जीने
जर पदोपदी स्वार्थ आहे

जेथे वसतो परोपकार
मृत्यूलोक ही स्वर्ग आहे
पर दुःखवर हसणाऱ्‍यांचा
स्वर्ग ही मग नर्क आहे

मतदार (विडंबन)

(क्षमस्व-बालकवी)
पाच वर्षासी हर्ष मानासी
गडबड होई चोहीकडे
गेला मतदार कुणीकडे ग बाई गेला मतदार कुणीकडे
नेते येती सांगुनी जाती
विकासाचे मग स्वप्ने पडती
थापा मारुन ते भुलविती
आश्वासनांनाही जोर चढे
गेला मतदार कुणी कडे ग बाई गेला मतदार कुणी कडे
प्रचाराच्या बोंबा उठल्या
ब्यानरच्या रांगा नटल्या
झाल्याआडव्या रित्या बाटल्या
कार्यकत्यांना झिंग चढे
गेला मतदार कुणीकडे ग बाई गेला मतदार कुणीकडे
पैसे वाटूनी रातोराती
लांडगेच निवडुन येती
त्यांनी वाटल्या जाती पाती
देशाची या केली माती
करा त्यांचे तोंड काळे
गेला मतदार कुणीकडे

कळत नाही

देशात या माझ्या काय घडतय कळत नाही
मुठभरांची बोटे तुपात इतरांना तुकडाही मिळत नाही
समृध्द समाजाची हक्क व असुविधेची ओरड
फाटक्याच्या पोटावर मार तरीही रडत नाही
गरीबी हटाव च्या आल्या योजना
पुढाऱ्‍याची हटली गरीबी
भिकाऱ्‍यात फरक काही पडत नाही
क्रिकेट,सिनेमा वर होतो अब्जोचा खर्च
भुकेल्या च्या घरची चुल मात्र जळत नाही
भ्रष्ट अधिकारी,गुंडा च्या घरी वाहते संपत्ती ची गंगा
चील्लरची गटार सुद्धा रंका कडे वळत नाही
जरी असलास तु जगाचा पोशिंदा
घेतली फाशी तरी तुझ्या वचुन यांचे नडत नाही
या माझ्या देशात काय घडतय कळत नाही