अंतिम विजय

जगतांना क्षणोक्षणी मरलास तु कसा।
विरांच्या मायभुत हारलास तु कसा॥

घेतलास जन्म वाघीनिच्या पोटी।
कळपात मेंढरांच्या शिरलास तु कसा॥

संकटांच्या पेलल्यास किती मेघ गर्जना।
झिमझीमत्या पावसात विरलास तु कसा॥

नजरेत होती कधी यशाची शिखरे ।
हताश अपयशि येथे ठरलास तु कसा॥

पर दुःखावर हसने हि दुनियेची रीत।
संस्कार लढण्याचे विसलास तु कसा ॥

झटकुन खेद मरगळ लाग कार्याला।
खिन्न ऊदास असा बसलास तु कसा॥

आज आहेत ज्यांचे बोट तुझ्या कडे।
म्हणतील अंतिम विजयी ठरलास तु कसा॥